石硤尾南山居民服務協會端午節中醫義診活動

端午義診有感有中藥提供埋俾病人太好了

除左之前參與香港健康協會辦嘅「橋底義診」，其餘大部分的義診活動，可能由於budget所限、操作困難，一般都好難提供埋中藥派俾病人，就算有，劑數都係得好少。咁有時可能我地就寫條處方，俾病人自己出去執藥材，但又保證唔到唔同藥材舖嘅貨質量如何或者有啲病人根本無時間煲藥。

所以通常個義診形式比較局限於係「健康諮詢」，再加上即場針灸，或者貼下耳穴。但其實即使係痛證、骨傷病都好，同整個人體內部係好大關係。所以如果無中藥食，始終效果都會爭啲嘅。

今次終於難得又有活動係提供埋中藥發現自己同新公司（港恩）都算幾有緣份今次嘅義診活動，其實早係我決定轉去新公司做之前就已經應邀參與，但之後先發現原來港恩有贊助今次嘅活動，提供濃縮中藥、安排診所姑娘協助，仲有另一位同事都有份睇症辛苦曬大家了

特別鳴謝：南山居民服務協會、港恩中醫診所、石硤尾社區會堂